Kynning á tjaldvögnum Tjaldborgar og helstu reglum um leigu.

Tjaldvagnar eru af gerðinni Combi Camp, með 2 aðskildum svefnstæðum og geta 4 fullorðnir eða 2 fullorðnir og 3 börn sofið í vagninum.

Tjaldvagninn er leigður út með fylgihlutum svo sem gaseldavél, gaskút, hitara, borði og 2 auka stólum.

Óheimilt er að aka með tjaldvagninn um vegleysur, óbrúaðar ár, vegtroðninga, götuslóða, snjóskafla, ís eða aðrar vegleysur. Ökutæki þarf að hafa viðurkenndan tengibúnað fyrir tjaldvagninn.

Reykingar eru með öllu bannaðar í vagninum. Ekki er leyfilegt að vera með gæludýr.

Leiðbeiningar um notkun eru í tjaldvagninum og er leigutaka skylt að fara eftir þeim.

Leigutími er frá fimmtudegi til miðvikudags og skila þarf vagninum hreinum milli kl 10 og 16, og er hann þá yfirfarinn af leigusala að viðstöddum leigutaka. Leigjandi skal ganga vel um tjaldvagninn, skila honum hreinum bæði að utan og innan og gæta þess að hver hlutur sé á sínum stað og ekkert vanti.

Leigutaki ber fulla ábyrgð á tjaldvagninum meðan á leigutíma stendur og skuldbindur hann sig til að bæta það tjón sem verða kann á leigutímanum. Tjaldvagninn er kaskótryggður hjá Tryggingamiðstöðinni og tryggir hún líkt og kaskótrygging bifreiðar skemmdir á henni sjálfri. Sjálfsábyrgð er kr 72.000.- sem leigutaki greiðir ef um stórtjón er að ræða. Verði hins vegar minniháttar tjón má leigusali gjaldfæra þann kostnað á kortanúmer leigutaka.

Hægt er að leigja fortjald með vagninum og greiðist það aukalega.